Það er sko búið að vera nóg að gera. Þrátt fyrir að við höfum ekki bloggað síðan í maí að þá vitið þið eflaust hvað við gerðum í sumar og ef þið vitið það ekki þá tala allar myndirnar á síðunni hennar KS sínu máli.

Síðan við komum til DK hefur veðrið því miður ekki leikið við okkur. Við skildum það greinilega eftir á Íslandi því hér hefur verið rigning og rok. Svo mikið rok að dúkurinn sem við hengdum á handriðið okkar úti á svölum hefur rifnað tvisvar sinnum.

Við skelltum okkur til Þýskalands helgina eftir að við komum aftur "heim" til DK. Addi kom með okkur og heimsóttum við bekkjarfélaga Þórs í Flensburg og eyddum deginum þar. Síðan var haldið í 2 búðir og verslað aðeins fyrir haustið.

Harpa byrjaði í skólanum fyrir 2 vikum, en hún segist ennþá vera á "reynslu" því það er einungis töluð danska og því erfitt fyrir hana að tjá sig á móti.

Kolbrún Soffía átti erfitt á leikskólanum til þess að byrja með og fór Þór á fund með fóstrunum sem vildu forvitnast aðeins hvort að sú litla væri jafn leið heima hjá sér og á leikskólanum. Þór sagði að hún væri nú bara frek heima hjá sér og því var þessi leiði á leikskólanum bara eitthvað tímabundið. Það reyndist rétt því strax eftir fundinn fór hún að róast og vinka foreldrum sínum bless.

Þór byrjaði í skólanum fyrir 2 vikum síðan og var hann skráður í námskeið sem var búið að "flýta fyrir" úr 7 vikum í 1 viku. Það líkaði honum mjög vel því í gær tók hann próf úr faginu og núna er það bara búið! Hann mun því eiga annasaman september og október mánuð en seinni hluta nóvember og desember verður hann einungis skráður í 2 fög sem verða kennd á sama deginum. Hann verður því í skólanum 1 sinni í viku og frí hina 6

Stelpan strax farin að læra ný orð í dönskunni en það nýjast er að syngja lagið Yesterday með Bítlunum sem hann Sveppi syngur(mjög falskt) í "Algjör Sveppi". Það byrjar reyndar þannig að Þór syngur falskt "Yesterdayyyy..." og þá syngur sú litla "all my troublu seee"...og svo rennur þetta út í eitt.

Síðan í gær vorum við í 8 ára afmæli hjá Evu, dóttir Árdísar, bekkjarsystur Þórs og þá fengu Harpa og Kolbrún að læra Hip hop. Þór og Addi léku sér í keilu-leiknum í Nintendo wii og sátu á meltunni, enda höfðu þeir farið á "allt sem þú getur í þig látið" veitingastað og fengið sér yndislegan bjór á írskum veitingastað eftir prófið sitt í gær...fyrir utan pulsurnar sem þeir borðuðu í afmælinu.

Næstu mál á dagskrá:

Setja bílinn á dönsk númer - miklar pælingar og mörg góð ráð sem við höfum fengið sem við þurfum að kanna betur

Kaupa nýjan svefnsófa - sá gamli var svo óhentugur og var hann því seldur fyrir gott verð

Kolbrún Soffía fer í leikskólaferðalag á þriðjudaginn á bóndagarð að sjá "dyrene på landet"

Foreldrar Þórs koma í helgarferð í byrjun október

Segjum þetta gott í bili. Myndir væntanlega á BN innan skamms

Það er staðfest að Þór flýgur heim til Íslands sunnudaginn þann 7 júní og mæðgurnar fljúga síðan þann 5 júlí. Við verðum alveg fram til 16 ágúst en þá eigum við pantað flug aftur "heim" til Danmerkur. Við fljúgum frá Álaborg, sem er nyrst á Jylland og því ætti flugið ekki að taka nema 2klst og bílferð um klukkustund. Við erum því styttri á leiðinni frá Tilst til Reykjavík en frá Árósum með lest til Kaupmannahafnar!!!

 Þór fékk óvænta vinnu á gamla góða vinnustaðnum sínum í Háskólanum þar sem hann mun vinna sem verkefnastjóri hjá Reiknistofnun Háskóla Íslands. Höfum einmitt frétt af því að það verður kennsla í allt sumar og því ætti að vera nóg að gera við að aðstoða nemendur og kennara. Það er víst ekki hægt að neita vinnu þessa dagana þar sem lítið er um hana að fá. Auk þess komum við fjárhagslega betur út úr því þar sem gengið át allan okkar pening :) Síðan fékk Harpa líka við vinnu við að sjá um stigaganginn í Heiðarhjallanum enda alltaf opin fyrir verkefnum.

Við erum nú ekki að flytja alfarið heim til Íslands og því fleiri sumur sem við eigum eftir að upplifa. Síðan má ekki gleyma því að það er sumar hér í DK langt fram í september og í byjrun október þannig að það verður tími að kíkja í dýragarðina og kannsk Lególand.

 En þótt mæðgurnar verði einar eftir í DK eiga þær von á 2 heimsóknum og hafa nóg að gera. Harpa klárar dönsku skólann sinn í júní lok og Kolbrún Soffía fær frí í leikskólanum um miðjan júlí.

 Það er búið að vera alveg rosalega mikið að gera hjá Þór í skólanum síðan páskarnir kláruðust. Við tók langt, strembið og mjög amalegt tölfræðiverkefni. Það er svo skrýtið með tölfræðifög að í tímum er kennt um allt og ekki neitt (sérstaklega ekki neitt) og síðan er settar kröfur um að skila stóru verkefni og engin kennsla í kringum það!! Alveg merkilegt nokk, en ætli þetta sé ekki "parturinn af programmet". Þór og Addi hafa því unnið stanslaust í verkefninu í 2 vikur og fínpússa það fyrir helgi á meðan margir eiga enn eftir að skrifa ritgerðina. En seinna má það ekki vera því skiladagurinn er 25 maí og fyrsta prófið er 26 maí og annað þann 29 maí.

En þann 30 maí verður hér haldið stelpu partý og munu skvísurnar á Stavnsvej sletta úr klaufunum með Pál Óskar í botni, Sing Star keppni og enda síðan með Sálina og dansa langt fram á nótt. Þór ætlar að flýja með Kolbrúnu Soffíu niður í næstu íbúð þar sem hann mun eiga rólega kvöldstund með Krissa og telpunum yfir kannski Finding Nemo eða Madagaskar 2 :)

En segjum þetta gott í bili, það verður líklegast ekki blogg fyrr en í lok maí, nema það gerist eitthvað svakalega spennó. Annars minnum við ykkur bara að skoða myndir á barnalandssíðunni hennar KS.

En síðan að foreldrar Hörpu komu höfum við sinnt fjöldann allan af verkefnum. Grillið var loksins sett saman og gaskútur & grillsett keypt. Kolbrún eldri sérsaumaði nýjar gardínur inn í svefnherbergi auk þess að stytta gardínurnar frammi í stofu og ekki leið á löngu þar til tengdapabbi var búinn að reka Þór í að setja saman grindina undir hjónarúmmið og líma lappirnar undir (sem höfðu brotnað af). Bílinn var bónaður hátt og lágt með mikilli stríðni frá íslensku strákunum í götunni (Þór dútlar vist of mikið við bílinn en hann man nú að sinna frúnni líka).

En páskarnir voru yndislegir og allir úthvíldir og ánægðir. Kolbrún Soffía er byrjuð aftur á leikskólanum og Harpa fer í dönskuskólann á morgun. Þór byrjar síðan í skólanum í næstu viku. Núna skín sólin á hverjum degi og hitinn fer hækkandi. Það er því ekkert annað í stöðunni en að hlakka til sumarsins enda erum við farin að hjóla og sækja Kolbrúnu Soffíu á leikskólann. Fengum lánað hjól hjá Höllu Sif, frænku Þórs, og við  hjólið er tengdur barnavagn þar sem stelpan getur legið í makindum sínum og horft út um gluggann.

Síðan kemur Þór kannski heim í júní til þess að vinna og mæðgurnar heim um miðjan júlí en þetta er allt á frumstigi ennþá. Meira um það seinna. Fullt af nýjum myndum á barnalandi frá Svíþjóðarferðinni og páskunum.

 Biðjum að heilsa í bili

Undanfarnar vikur hafa aðallega farið í hið hversdagslega líf. Það er því komin löngun í okkur að komast eitthvað burt. Við ætlum því að keyra til Svíþjóðar og heimsækja Sigga, Silju & börn og fleira fólk sem við þekkjum þar.  Á leiðinni heim ætlum við að stoppa á flugstöð Kaupmannahafnar og sækja foreldra Hörpu sem ætla að vera hjá okkur fram að páskadag. Það verður æðislegt að fá þau í heimsókn og við krossum fingurna að KS verði hress því í ágúst þegar foreldrar Hörpu voru í heimsókn, fékk KS mislingabróður og var mjög veik. Fyrir utan það að íbúðin var tóm og varla stóll að sitja á.

Unglingurinn er fluttur að heimann. Hann Addi fékk loksins stúdentaíbúð sem hann var búinn að biða eftir síðan í haust. En þar sem við byrjuðum í prófum þegar hann fékk íbúðina hefur hann nánast búið í tómri íbúð í 3 vikur. Hann var því mjög feginn að fá lánað hjá okkur einn disk, skeið, hníf, gaffal, pönnu og spaða svo hann bjargað sér. Við hjónakornin fórum síðan til hans óvænt með gluggatjöld úr pappa og myndskreyttum „gluggatjöldin“ til þess að hafa þetta svolítið huggulegt. KS fékk líka að krota á pappann og þegar hún kom í heimsókn til hans 3 vikum seinna labbaði hún rakleiðis í átt að „gluggatjöldunum“ og vildi fá að krota aftur.

Það gengur vel hjá henni á leikskólanum. Hún vælir ennþá smávegis þegar maður segir bless við hana en annars er hún strax farin að leika með hinum krökkunum og unir vel. En það eru skemmtilegir tímar framunan. Þór er strax byrjaður á seinni skólaönninni, eftir að hafa lokið við fyrri skólaönnina sl. föstudag. Hann fær síðan rúmlega tveggja vikna páskafrí frá 4 apríl – 20 apríl.  Strax í næstu viku er Svíþjóðarferðin sem okkur hlakkar mjög svo til og síðan fáum við foreldra Hörpu 4 apríl.

Annars bendum við fólki að skoða myndir á heimasíðu KS. Ef þið eruð ekki með lykilorðið þá endilega sækið um aðgang í gegnum heimasíðuna. Ekki vera feimin. Myndir segja oft meira en þúsund orð J Þangað til næst og það mun ekki líða svo langt í næstu færslu.

Fjölskyldan í Aarhus

Mánudag 23 febrúar, eftirmiðdagur

og í dag var mikill vorlykt í loftinu....vorið er svo sannarlega að koma :)

 Finnið a.m.k 4 villur á myndinni :)

Í dag gekk einnig vel hjá henni og borðaði hún nestið sitt á leikskólanum og lék sér eilítið. Þetta er semsagt farið að ganga mun betur og verður næsta skref tekið á þriðjudaginn þegar hún á að prufa að sofa á leikskólanum.

Síðasta sunnudag héldum við smá kaffiboð fyrir íbúana í „Beverly Hills“ en það eru íbúðirnar í sama húsi og við erum í. Við buðum upp á pönnukökur og súkkulaðiköku síðan komu Hugrúnar (Hugrún og Rúnar við hliðin á) með æðislega rjóma/banana köku. Á meðan Þór var að steikja pönnukökurnar þá var Harpa að búa til krem á kökuna með hinum ýmsu litum og sagði hún honum frá því að vinkona hennar hefði  eitt sinn sett matarlit ofan í pönnukökudeigið. Þór tók sig þá til og skellti út í pönnukökudeigið bláum matarlit. Það kom skemmtilega út, við skorum á ykkur lesendur góðir að prufa að gera lita pönnslur. Jafnvel bæta matarlit út í rjómann J Það var ótrúlega fyndið að stelpurnar mættu allar í eins bolum og voru allar í gallapilsi.

Það gengur vel að hafa unglinginn (bekkjarbróðir Þórs) á heimilinu. Hann fékk að fara út í gærkveldi að hitta vini sína en hagaði sig vel enda var hann vakinn af Þór í morgun til þess að fara í skólann.

Addi fékk himnasendingu um daginn frá Íslandi en það voru Ora grænar baunir (sem eru ekki eins íslenskar og menn héldu eða hvað?) og rabbabara sultu. Þór tók sig því til og bjó til ömmubollur og tókst það mjög vel. Allir kátir það kvöld.

Talandi um íslenskt já takk, þá var Þór staddur út í hinni viðfrægu búð Bilka að kaupa inn. Þegar hann stóð við mjólkurkælinn heyrði hann í danskri eldri konu spyrja afgreiðsludömu um vöruna „skyer“ (sem þýðir í raun ský á dönsku). Enginn vissi hvort þessi vara var til né hvað í raun þetta var, nema þá gamla konan og Þór! J Þá var hún nefnilega að leita að skyri. Gaman að því.

Það er nóg um að vera hjá okkur.  Skólinn er byrjaður á fullu hjá Þór og er hann í tveimur fögum fyrstu vikurnar  síðan skiptir hann yfir í tvö ný fög í lok mars. Hins vegar er eitt fag sem hann er í þrisvar  sinnum í viku þannig að hann nær ekki að vera mjög latur.

Árdís vinkona okkar og Eva dóttir hennar buðu okkur í sunnudagskaffi um daginn og fannst Kolbrúnu Soffíu æðislegt að komast í nýtt hús og nýtt dót. Við ákváðum að hittast einu sinni í mánuði hér eftir.

Lilja Erlendsdóttir kom til okkar síðustu helgi og var æðislegt að fá hana í heimsókn til okkar. Kolbrún Soffía náði sér hins vegar í flensu og fékk hita og kvef. Það var því lítið farið í bæinn en við náðum að skipta með okkur liði þannig að einhver var heima með stelpuna.

 Það er núna komin vika og stelpan er loksins hitalaus og kvefið að fara. Hún fer því á leikskólann á mánudaginn, en það gengur hægt að fá hana til þess að gleyma foreldrum sínum á meðan hún er á leikskólanum. En hún er farin að vera lengur í hvert skipti og farin að borða hádegismat með krökkunum þannig að þetta kemur allt saman.

Hann gestur (Addi) er kominn til okkar aftur og verður hann hérna þar til hann er fær íbúðina sína. Það hefur gengið ágætlega að hafa ungling á heimilinu en Þór er búinn að vera duglegur að reka hann frammúr á morgnana og fara með hann í skólann.

En það eru annasamir en jafnframt spennandi tímar framundan. Við eigum von á grænum baunum og íslenskri sultu og ætlum við því að búa til ömmubollur að hætti Sæþórs, pabba Þórs (sem mamma hans bjó til fyrir hann) með grænum baunum og sultu. Svo eigum við hangikjöt í frystinum og verður veisla þegar það kjöt verður eldað.

Stelpan er farinn að tala alveg heilmikið og mörg ný orð komin eftir að við komum til Árósa aftur. Uppáhalds orðin okkar eru „ór“ (Þór), pssss sem leiðir út í fliss þar sem hún heldur fyrir munninn sinn (þá er hún að herma eftir því þegar fólk er að pissa og finnst það voðalega fyndið)og síðast en ekki síst þá fallbeygði hún orðið kaka J Mamman benti á kökuna og spurði KS hvað þetta væri og sú litla sagði „kaka“. Síðan náði mamman í köku með skeið og spurði KS „hvað er það sem þú villt á skeiðinni?. Þá sagði sú litla...“köku!“

Höfum þetta nóg í bili. Það er spáð vori eftir um mánuð þannig að maður þarf að finna til stuttbuxurnar.

Þór, Harpa & Kolbrún Soffía

Við byrjum heima á Íslandi. Um leið og Þór mætti til landsins byrjuðu veðurguðirnir að mynda þykk og góð ský svo að hann myndi örugglega ekki njóta góðs af snjónum. Það tókst og með mikilli rigningu og roki var snjórinn horfinn á innan við sólarhringi eftir að hann kom. Hins vegar kólnaði mikið í Dk og fréttir herma að það hafi snjóað þar.

Við eyddum jólunum í Kaldaselinu hjá foreldrum Þórs en á áramótunum vorum við í Heiðarhjallanum. Á báðum stöðum ríkti mikil ást og gleði.

Kolbrún Soffía fannst rosalega gaman að spila á píanóið enda ekki langt að sækja.

Bekkjarsysturnar úr Uppeldisfræðinni og góðar vinkonu í saumaklúbbinum "viðslúðrumbaraensaumumekki"

Í pítsaboði hjá Katrínu og Jóa. Síðan kvöddust Ísak Freyr og Kolbrún Soffía með faðmlagi.

Foreldrar Þórs fengu sér lítinn kettling sem systir Þórs, Hlín, nefndi Ninju, en þetta á að vera lítill bardagakisi að hennar sögn. Kolbrún Soffía fannst kisinn æðislegur en hélt sér þó í hæfilegri fjarlægð til að byrja með. Hún sagði alltaf fyrst „voff“ þegar hún var að kalla á kisuna en sagði þó „mjá“ í lokinn. Hún fékk reyndar æði fyrir nokkrum orðum heima en það sem stóð uppúr var orðið „afi“ enda mikil afastelpa. Henni fannst einnig mjög skemmtilegt að kalla Hlín frænku sína afi.

Kisinn Ninja og Kolbrún Soffía.                            Alice og Kolbrún Soffía

Þann 14 janúar héldum við síðan af stað áleiðis til Aarhus og var stelpan mjög góð m.v. þröng sæti í flugvélinni og nærri 4klst lestarferð. Allt snakk og rúsínur kláraðist rétt áður en við náðum til Aarhus kl. 17:30 þannig að það mátti ekki tæpara standa.

Daginn eftir heimkomu var slappað vel af en við hringdum á leikskólann hennar KS til að tilkynna að við værum komin heima og heimsóttum hann síðan seinna um daginn. Síðustu tveir dagar hafa farið í aðlögun en það gengur hægt. Stelpan grætur strax og við förum og sækjum við hana 40-50min seinna. Ástæðan gæti verið að fóstrurnar 3 á deildinni hennar hafa ekki alltaf verið á sama tíma en síðan ætlar Þór að fara með hana í fyrramálið einn á leikskólann til að athuga hvort að það sé betra.

Við fengum síðan fyrsta gestinn á þessu ári en það var hann Guðjón. Það virðist ætla að vera fastur liður að hann komi alltaf með okkur til DK frá Íslandi. Hann var hjá okkur í ca. Þrjá og hálfan dag en þá hélt hann áleiðis til Köben. Í tilefni þess að við vorum með tvo aðila sem komu báðir óbeint að því að ég og Harpa kynntumst (myndskýring verður sett hér á bloggið seinna) ákváðum við að elda fyrir þá Roast Beef sem heppnaðist svona líka vel.

Svo byrjar skólinn hjá Þór þann 26. Janúar og þangað til verður slappað af og haft það náðugt.

Takk fyrir okkur þið öll á Íslandi og þá sérstaklega foreldrar okkar sem gátu lánað okkur bíl til að sinna öllum okkar erindum og hjálpuðu okkur að framlengja ferðinni okkar. Þið eruð öll velkomin hingað til okkar.

Þór, Harpa og Kolbrún Soffía

AFsakIÐ hvað við höfum verið löt að blogga en þetta fer allt að koma...... við erum s.s enn á Íslandi og verðum hér í viku í viðbót.....

knús frá okkur

Harpan, Þórinn & Kolbrún Soffía

Njótið þess að vera saman og eiga góða stundir

Jólakveðja

Harpan, Þórinn & Kolbrún Soffía

Jæja ég lofaði víst að skrifa inn smá ferðasögu   Hér kemur hún :

Við Kolbrún Soffía s.s flugum frá århus  til köben, það gekk alveg ljómandi vel, við vorum mættar upp á flugvöll århusa um 9.00. Við vorum svo heppnar að hitta þar íslensk hjón, sem voru svo góð að aðstoða mig með töskuna mína Allavega svo lentum við í köben 10.35 (græddum 5 min) reyndar vorum við ekki viss hvar við áttum að sækja töskurnar þannig að við töpuðum þeim mín aftur, en við fundum töskurnar að lokum.  Þá var komið að því að finna terminal 2 (var í nr 1). Mér var sagt að ég þyrfti ekki að fara út til að komast þangað en það var allt læst og á endanum spurði ég einhverja kjellu þarna hvar ég kæmist á terminal 2, hún sagði að ég yrði að fara út, fann einhverja kerru þar sem Kolbrún Soffía gat setið en ég rétt kom ferðatöskunni undir og svo var bara hlaupið af stað.  Ég hljóp og labbaði hratt til skiptis og eftir örugglega 10-15min þá stoppaði ég einhvern kall og spurði hann hvort hann gæti sagt mér hvar terminal 2 væri, hann sagði að það væri ekki svo langt í það... Að lokum fann ég hurð og fyrir ofan stóð terminal 2 vííí . Ég fann innritunarborðið og bókaði okkur inn og klukkan bara rétt rúmlega 11 yess . Hafði smá tíma til að anda og skipta á kolbrúnu Soffíu og gefa henni að borða áður en við þurftum að mæta að okkar hliði. Kl 12.15 flugum við svo til Íslands. Verð samt að hafa með að þegar það var ca 30 min eftir af fluginu þá sagði flugstjórinn að það væri svo slæmt veður í keflavík að við þyrftum mjög líklega að lenda á Egilsstöðum, en það kæmi í ljós rétt áður en við myndum lenda. Þegar við lækkuðum flugið segir strákurinn fyrir framan mig, við erum að lenda á egilsstöðum, en svo sé ég flugstöðina í keflavík VÁ hvað ég var glöð, hefði ekki alveg meikað að lenda á E. EN þetta s.s gekk allt ljómandi vel og Kolbrún Soffía var yndisleg allan tímann ;)

Við mæðgur erum búnar að hafa það ótrúlega gott á íslandinu, búin að hitta marga en eigum þó enn eftir að hitta fullt af fólki, en þar sem við erum bíllausar, er dálítið erfitt fyrir okkur að komast á milli. Pabbi hefur þó verið góður að skutla okkur hingað og þangað ;).  Annars kemur Þórinn okkar í kvöld, hann er núna í köben  og lendir svo 23.00 við mæðgur erum mjög spenntar að fá hann ;)

Kveðjum í bili frá Íslandinu

Harpan & Kolbrún Soffía

 Allt gekk eins og í sögu, flugið frá Arhus var 5 min á undan áætlun, Harpa hitti síðan íslendinga sem buðust til að hjálpa henni að bera eina tösku og svo náði hún að bóka sig inn og slaka svolítið á. Hún setur væntanlega inn ferðasögu sem fyrst...og myndir, já húsbóndinn vill sko fá að sjá myndir svo hann sé örugglega ekki að missa af neinu.

Spennandi tímar hjá mér, húsbóndanum, framundan......læra - sofa - borða - borða á milli mála. Fer síðan í próf miðvikudaginn 17des og föstudaginn 19 des. Fer síðan árla morguns, þann 21 desember, með lest til Kaupmannahafnar, skoða mig um þar og fer síðan með flugi um kvöldið.

 Yfir til þín Harpa!

....5 daga vúhú og spennan magnast, tíminn líður alltof fljótt !! Okkur hlakkar svo til að getað knúsað alla sem við þekkjum og fá íslenskan mat . Þórinn verður að bíða aðeins lengur en það munu bíða hans fiskibollur í dós ala tengdó

Það var ekki lengra í bili !!

Harpan, Kolbrún Soffía og Þórinn sem er alltaf að læra

Við biðjumst velvirðingar á fáum færslum undanfarna daga en í þessari færslu verður farið yfir atburði síðustu vikna.

Elstu meðlmimir fjölskyldunnar urðu veikir þar síðasta fimmtudag. Þeir urðu það veikir að þeir gátu lítið sem ekkert sinnt stelpunni sinni og fékk hún því að leika lausum hala í íbúðinni.

Hún rótaði því til í öllum skúffum og skápum en endaði síðan í því að lesa allan...ALLAN ruslpóstinn sem búið var að láta snyrtilega ofan í poka. Við erum svo heppin að eiga góða granna því Selma og Krissi tóku hana í pössun um eftirmiðdaginn og gáfu henni kvöldmat. Á meðan gátum við legið eins og skötur fyrir framan sjónvarpið.

Eftir veikindin vorum við svo ánægð með hvað Kolbrún Soffía var þæg og dugleg að við ákváðum að gefa henni nýja dótalest og fara út að borða á Jensens Böfhus.

Stelpan var rosalega dugleg að borða og mjög sátt. En við gerðum heiðarlega tilraun til þess að fara á þennan veitingastað þegar við vorum nýflutt en þá var KS nýbúin að vera veik og var því í engu stuði til þess að fara út að borða. Trixið er að gefa börnunum rif og þau verða rosalega sátt :)

Sem betur fer voru allir hressir helgina eftir fimmtudagsveikina því við áttum von á Rakel í nokkra daga. Við sóttum hana til Horsens sem er ekkert ósvipað og að vera kominn í lítinn sveitabæ heima á Íslandi. Þar vantaði ekki landa okkar og gat maður heyrt íslensku talaða út um allt í kjörbúð einni sem við sóttum.

Hún eldaði fyrir okkur eitt kvöldið og einnig fórum við á kaffihús í Bruun´s Gallery þar sem við fengum gott útsýni yfir brautarstöðina.

Eftir kaffihúsið hitti Kolbrún Soffía danska stelpu sem hún varð mjög hrifin af. Móðir hennar fannst svo skemmtilegt hvernig Kolbrún Soffía bar sig að (hún labbaði rakleiðis í áttina til þeirra og fór að klappa stelpunni) að hún gaf henni pítsasnúð til að borða með þeim.

Síðasta kvöldið með Rakel höfðum við það rosalega gott með smá nammi í skál, camenbert osti og dönskum eplaskífum.

Stelpan er voðalega dugleg að hjálpa til. Hún fer sjálf með bleyjurnar sínar í ruslið og lokar hurðarskápnum á eftir sér. Stundum fær hún að hjálpa til með að ganga frá í uppþvottavélina og taka upp úr henni....þótt hún eigi ekki að standa uppi á henni til að ná í efri hilluna!

Síðan er farið að kólna hér í Danmörku þótt okkur sýnist nú verið farið að "hitna" ansi mikið í kolunum heima á Íslandi ef marka má mótmælin sl. helgi.

Um daginn kom síðan Addi, lærifélagi hans Þórs, í mat og afslöppun sem var vel við hæfi þar sem hann og Þór komu einungis í stutta stund í mat þegar þeir voru í síðustu prófum.

 Við að púsla saman.

Síðan fékk KS að mála aftur þar sem Þór langaði til þess að vera með og hjálpa til. Í þetta skiptið vandaði hún sig extra vel og spáði vel og lengi í þessu öllu saman.

Svo er hún farin að læra að sýna hvernig hún er montin. Hún nær meir að segja að smella tungunni.

Síðasta sunnudag fórum við í blíðskaparveðri í jólastemningu í villidýragarði um 45min frá Árósum. Þrátt fyrir að flest dýrin lágu í dvala eða voru ekki úti að leika sér að þá sáum við m.a. asna, lamadýr, ýmsar fuglategundir, vísunda, blettatíg og fleiri.

Harpa að sýna Kolbrún Soffíu minkana. Eftir það héldum við af stað til að sjá asnana og lamadýrin.

Eins og sést vissi Harpa ekki alveg hvort að lamadýrin myndu hrækja á sig eða ekki en þau voru harmlaus og gæddu sér bara á grasi. Takið eftir lamadýrinu sem hefur það gott undir heybagganum

Þór fór upp á hæð til að taka mynd yfir svæði vísundanna. Hættuleg dýr sem vega allt að tonn þannig að fólki var ekki hleypt inn á þeirra svæði og við höfðum lítinn áhuga á því.

Það var heldur ekki hleypt inn á svæði blettatígranna enda rafmagnsgirðing í kringum þá og vísundana. Þessi blettatígur hér að neðan sat í makindum sínum alveg við girðinguna að sleikja tréplötu.

Eftir kalda dvöl var brunað heim í heitt kakó og bakkelsi

Munið svo að kvitta - við sjáumst á íslandi 10 des :)